|
Diaqnoz Tibb Mərkəzinin laboratoriyası respublika miqyasında bu cür diaqnostika metodun ən yüksək keyfiyyət göstəriciləri ilə seçilir. Laboratoriyada yalnız beynəlxalq standartlara uyğun yüksək keyfiyyətli, tanınmış şirkətlərin reagentlərindən və avadanlıqlarından istifadə olunur.
Diaqnozun dəqiq qoyulması və müalicənin uğurlu aparılması üçün laborator müayinələr böyük əhəmiyyət kəsb edir.
İstifadə olunan reaktivlər ən yeni və keyfiyyətli məhsullardır.
Laboratoriya aşağıdakı şöbələrdən ibarətdir:
* ümumi kliniki,
* biokimyəvi
* seroloji
* bakterioloji
* PCR- analizlər |
|
PCR (PZR) analizlər Moskvanın Elmi Tədqiqat Epidemiologiya İnstitutu ilə birgə aparılır. Kabinetdə aparılan qanın ümumi analizində 26 parametrdə tez və operativ müayinə aparılır.
Laboratoriyada ali tibbi təhsilli, ixtisaslaşma kursundan keçmiş 4 nəfər həkim fəaliyyət göstərir. Onlar uzun illər iş təcrübəsinə malikdirlər və dəfələrlə təkmilləşdirmə kursunu bitiriblər. Laboratoriya həkimləri Axundova Səyyarə (uzun illər iş stajına malikdir, müxtəlif mükafatlarla təltif olunub), Biokimyəvi analizləri aparan həkim Nailə Yetimova (Sankt-Peterburq şəhərində təkmilləşmə kursunu bitirib), hormonlar və infeksiyalar üzrə həkim Elxan Seyidov, Bakterioloji analizləri tanınmış həkim Kəmalə Muxtarovadır.
Laboratoriya kompüterləşdirilib. Aparılan analizlər kompüterin yaddaşında saxlanılır. Xəstə istənilən vaxt analizlərin nəticələrini yenidən götürə bilər. Hormonları, infeksiyaları müəyyən edən analizatorlar Almaniyanın «Human» firmasının, Hepatoloji analizləri aparmağa imkan verən aparat Amerikanın istehsalı olan Bekman Robot analizatorudur. Çoxlu sayda biokimyəvi analizləri ən yüksək səviyyədə həyata keçirən aparat da Almaniyanın «Human» şirkətinə məxsusdur.
Mərkəzin laboratoriya şöbəsi Almaniya, ABŞ, İspaniya, İtaliya və s. kimi inkişaf etmiş ölkələrin istehsalı olan avtomat analizatorlar vasitəsilə ən mürəkkəb analizləri dəqiqliklə aparmağa imkan verir. Şöbədə mürəkkəb analizlərin aparılmasında insan amili minimuma endirilmişdir. Xəstədən birdəfəlik tubiklərdə götürülmüş qan avtomatik şeykerlərdə ilkin işlənmədən keçdikdən sonra analizatora verilir. Tam avtomatik analizator qana lazım olan reaktivləri müəyyən olunmuş miqdarda əlavə edir və yekun nəticəni hesablayır. Prosesin gedişinə kompüter nəzarət edir.
Analizləri, xüsusilə hormonlar, günün 1-ci yarısı, saat 12.00-a qədər acqarına təqdim etmək tövsiyə olunur.
. Mərkəzin laboratoriya şöbəsində 200-dən artıq çeşitdə
Robot analizatorlarla kliniki, biokimyəvi,immunoloji, seroloji,
sitoloji, bakterioloji analizlər yüksək dəqiqliklə aparılır və
nəticələri təkrari kontroldan keçirilir. Cavabların dəqiqliyinə
təminat verilir.
Laboratoriyanın iş saatı səhər saat 8:00-dan axşam saat 18:00-dəkdir.
|
